تحقق أحلامي ووساوس بالموت


 

الجنس: ( / أنثى).

الحالة الاجتماعية: (عزب
العمر:……21……. سنة.

الطول: ……153…… سنتمتر.

الوزن: …54………غرام.

الجنسية: …مصريه……

بلد الإقامة: ……مصر…..

المذهب الديني: ( سنة/ ……….. ).

بداية ظهور الأعراض: بعد) البلوغ.

بداية ظهور الأعراض: …. سنتين).

أفراد من الأسرة مصابين: لايوجد
عدد الإخوة:… (3بنات)
ترتيبك في الميلاد بين أخواتك البنات: 2

لو سمحت أنا حابه أعرض مشكلتي لإني بجد تعبت ومش لاقيه حل ومش عارفه أعمل ايه يارب انتم تفيدوني……….
في البدايه من 3 سنين أنا أصبت بإكتئاب شديد جدا نتيجه لتساقط شعري بصوره غير طبيعيه وانا كان عندي شعر كل الناس كانوا بيتكلموا عنه كان ما شاء الله جميل جدا جدا وكان تقيل جدا جدا فجأه بدء كله يقع خصل وخف بصوره غير طبيعيه ومنفعش معاه أي علاج فكنت طول النهار بعيط عليه واصبت باكتئاب غير طبيعي …..

وبعد سنه من الحاله دي دخلت في حاله غريبه جدا بقالها دلوقتي سنتين والحاله دي بدءت : أنا في البدايه بقيت أتقرب لربنا وكنت دايما بقرء في القران ولكن كان عندي طريقه غريبه شويه إنه كل يوم أمسك المصحف وأشوف الايه اللي هتطلعلي بتقول ايه وبإعتبرها دي رساله خاصه من ربنا بتقولي حاجه معينه والصراحه أنا مكنتش أعرف هل ده صح ولا غلط بس عموما الموضوع ده كان بدايه المشكله في يوم وأنا بذاكر بالليل قررت أفتح إذاعه القران الكريم فأول لما فتحتها لقيت ايه عن الموت فأنا قولت إنه دي رساله إني قربت أموت وأنا للمعلومه( جالي حاله الاكتئاب والخوف من الموت 3 مرات من وأنا في ابدائي ومره وأنا في اعدادي ومره وأنا في ثانوي ونتيجه كده أنا كان عندي فكره من وأنا صغيره إني هموت صغيره في السن ) فلما سمعت الايه اتنفضت وحسيت فعلا إني قربت أموت بجد

وفي الفتره دي كانت بتقابلني مواقف غريبه جدا أكون ماشيه في الشارع وفجأه تصادفني ايه عن الموت وتكرر الموقف ده كذا مره فده خالاني اخاف من القران بصوره مش طبيعيه وكنت بسد ودني لما أعدي في أي مكان مشغلين في القران ومبقتش أقرء قران تماما وكنت لما أسمع القران من كتر الخوف جسمي كله كان منمل وكانت في الفتره دي مشكلتي كلها كانت مع القران وكانت المواقف اللي بتحصل غريبه جدا بكون لسه جايه اعمل حاجه معينه في نفس اللحظه الاقي ايه بتكلمني على نفس الموقف فده كان بيخوفني أكتر وأكتر وأكتر من القران بقيت حاسه إن ربنا بيبعتلي رسايل خاصه على كل حاجه وده كان بيثبتلي أكتر إن ءايات الموت دي كانت رسايل خاصه

في الفتره دي بالنسبه لي كان سماع القران بالنسبه لي سببا في الكوابيس (استغفر الله العظيم ) لدرجه اني كنت بلبس سماعات في ودني وقت الصلاه في المساجد علشان مسمعش القران اللي بيتقرء في المساجد

وكان عندي برده أحلام غريبه مره نمت معيطه جامد حلمت إني في وحش جوه جسمي وكان بيصرح وكان منظر غريب وكنت في مكان تحت الارض عباره عن حمامات بس الغرف كانت كلها من الرمل ومره حلمت برده إني في جن خطفوني لنفس المنطقه دي وأنا مش عارفه أصرخ علشان أهلي يعرفوا ومره حلمت بواحده هيا امراءه بس أنا عرفت إنها مش بشر كانت واقفه وحوليها ناس وعماله تديهم توجيهات علشان في باب هما عيزين يفتحوه وسعات كنت بحلم بحلم إني مثلا في إمرأه كإنها ملك الموت وبتقولي إنه أنا مهما هربت من الموت أنا كده كده هموت وهدخل النار وصحيت من الحلم ده مفزوعه لقيت إمام المسجد اللي جنبينا كان بيقرء (قل إن الموت الذي تفرون منه فإنه ملاقيكم ) فأنا قعدت مفزوعه جدا في اليوم ده

وسعات كنت بحلم إني بهرب من كلب وسعات كنت بحلم بإحلام مش كويسه ومش هعرف أقولها …وأحلام غيرها بس كلها كانت على فترات وعموما بدء خوفي من القران شويه يقل بس فجأه ظهرت عندي مشكله جديده هي إني كل لما أقول حاجه بتحصل يعني أفكر إنه هيحصل زلزال وفعلا بيحصل زلزال و فجأه بكون قاعده وبلاقي إغنيه معينه وهي أغنيه وطنيه جت على بالي بقول جوا نفسي انه هتحصل حادثه كبيره ليها علاقه بالجيش وفعلا بعد يومين بتحصل والموضوع ده بدء يكبر ويسيطر عليا فكره إنه أنا بتنبء باحجات هتحصل في المستقبل وبقيت عايشه في رعب شديد وشيفه نفسي عندي نوع من أنواع الكرامات وبدء تظهر عندي مشكله إني كل شويه بحس إني عندي مرض شكل وأروح أكشف ملقيش حاجه وكل شويه أقول أنا عندي سرطان وأمراض تانيه كتير وده كان تاعب نفسيتي لإني بحس بأعراض الأمراض بجد وكان طول النهار سلسله من الأفكار في دماغي لاتنتهي كلها سوداويه وكلها افكار بتضغط على نفسيتي أكتر وكنت بربط اللإفكار اللي بفكر فيه بالأحداث اللي بتحصل حواليا وكنت عايشه في فيلم رعب لاينتهي وطول النهار بكاء ……

مستوايا الدراسي قل بطريقه غير طبيعيه طول النهار بعيط وأهلي تعبوا مني …… عموما حاولت مع نفسي أخرج من كل اللي انا فيه وبدءت أنجح وبقيت أسمع قران تاني ظهرت عندي مشكله لغايه دلوقتي أنا عايشه فيها وفعلا تعباني لأقصى حد وهي كل أحلامي بتتحقق وكل لما بفكر في حاجه بتحصل وغالبيه أحلامي بتكون عن ناس هتموت وحجات سيئه هتحصل والله بقيت عايشه في فيلم رعب بالمعنى الحقيقي للكلمه … بقيت أعرف حجات كتير هتحصل وكل أحلامي بتحصل وكمان بتجيلي فكره في دماغي وبعدين بتحصل بقيت متحاصره بالاحلام والافكار وحياتي تكاد تكون انتهت حاليا مش بخرج من البيت ولا بكلم حد ولا بتفرج على التلفزيون وبقيت طول النهار بعيط لدرجه وشي بان عليه العجز حياتي كلها اتدمرت حاسه اني في دوامه بقالي سنتين ونفسي حد يساعدني … معلش طولت عليكم … شكرا

Advertisements

48 responses to “تحقق أحلامي ووساوس بالموت

  1. لو سمحت كنت عايزه أستفسر من حضرتك على حاجه
    أولا أنا الحمدلله مع الدعاء بدءت أتحسن ومن بدايه رمضان كنت حاسه براحه الحمدلله
    بس بقالي 4 أيام الاحلام رجعتلي تاني وبدءت أكتئب تاني
    سؤال … حضرتك بتقولي الاحلام اللي بتحقق دي شغل شياطين … بس إزاي وإحنا في رمضان ؟؟؟
    بس أنا بقول لحضرتك عموما .. أنا كنت من بدايه رمضان حالتي غتحسنت كتير بالدعاء بس من كام يوم بدءت أرجع تاني
    ومحتاره خصوصا إنه إحنا في شهر بتسلسل فيه الشياطين

    • ليست كل الشياطين تصفد إنا المردة منهم فقط

      (إذا كانَ أوَّلُ ليلةٍ من رمضانَ صُفِّدَتِ الشَّياطينُ مردَةُ الجنِّ ، وغُلِّقَتْ أبوابُ النَّارِ فلم يُفتَحْ منها بابٌ ، وفتِحَت أبوابُ الجنَّةِ فلَم يُغلَقْ منها بابٌ وَنادى مُنادٍ : يا باغيَ الخيرِ أقبل ويا باغيَ الشَّرِّ أقصِر ، وللَّهِ عتقاءُ منَ النَّارِ).

      الراوي: أبو هريرة المحدث:البخاري – المصدر: المهذب – الصفحة أو الرقم: 4/1682
      خلاصة حكم المحدث: رواه أبو الأحوص، عن الأعمش عن مجاهد قوله وهذا أصح

  2. بس انا خايفه اووي من الحلم ده اعمل ايه عشان ميجيش بس انا مش بصلي دايما و برضه عاوزه اقرب من ربنا اكتر
    و اانتظم في صلاتي 😦

    • صححي عقيدتك بدراستها لأن فساد العقيدة هو سبب ضعفك .. هناك قناة البصيرة الفضائية متخصصة عقيدة وفيها دروس ودورات متخصصة في العقيدة يقدمها الدكتور محمود الرضواني

      وإن لم يجدي هذا فقد يكون لديك (أسحار خوف) تجعلك في حالة خوف أمام كل مواجهة أو أمر ما .. وهذا يحتاج جلسات علاجية للتخلص من خدام هذا السحر

  3. انا كل احلامى بتحقق الحلو والوحش وبالتفاصيل ومش بفتكر الحلم الا لما بيتحقق
    مثلا حلمت ان واحده قربتى هترمى نفسها من الشباك وجالها حاله عصبيه لكن اهلها لحقوها وجابولها شيخ وقرالها المعوذتين وايه الكرسى ده اللى حلمت رغم ان قريبتى دى مش بتعانى من اى حاله عصبيه بالعكس هى حالتها النفسيه كويسه جدا
    لكن للاسف الحلم اتحقق وبالتفصيل زى محلمتو بالظبط
    انا الاحلام دى بتجيلى وانا عندى اربع سنين فى الاول محطتش فى دماغى وقولت ممكن تكون صدفه لكن كل شهر هجرى يوم 29 احلم نفس الحلم وهو انى بموت موته بشعه جدا مش هقدر اوصفها موته غير ادميه لاتخطر على بال احد
    ده اللى مش عادى من ساعتها وانا حاسس برعب
    ساعات بحلم بناس انا مشوفتهاش اصلا ولا ليا اى علاقه بيها والحلم بيتححقق برضو يعنى مثلا وانا صغير طلعت رحله مع والدى قبل الرحله حلمت ان الرحله هتبقى جميله لكن واحنا مروحين اخت السواق هتموت على العلم انى ولا اعرف السواق ولا اعرف اختو وفعلا الرحله كانت جميله جدا لحد مجيه وقت العوده الاتوبيس وقف فى حته ضلمه فى الطريق سالت والدى فيه اى قالى اخت السواق ماتت وهو فى حاله صعيه ومش قادر يسوق وانا فعلا حلمت كده بالتفصيل
    ملاحظه الحلم ممكن بتحقق فى الوقت اللى اكون انا بحلم بيه بالظبط واحيانا قبلها
    كل شخص حلمت انو مات بيموت فعلا
    وفى يوم حلمت ان صوتى بيقولى السر ده لو طلع بره ثلاثه اللى انت خايف منو هيتحقق وانا حكيت فعلا لثلاثه اشخاص
    حلمت بعدها ان صوتى بيقولى اللى انت خايف منو هيتحقق وده كان اخر حلم
    انا مش عارف ده معناه ايه وايه اللى انا فيه ده وهل الاحلام دى ليها علاقه بالصلاه انا بصلى بس بقطع

اترك ردا وانتظر الموافقة بنشره

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s